ئهى گوڵى موسڵمانان

نایف ئاسوده

ئـهى گـوڵـى مـوسـڵـمـانـان پـێـشـڕهوى ئوممهتى ئێمه
هـهر ئـهتـۆى بـاوكـى قـاسم رێنیشاندهرى رێگهى ئێمه

ئـهى پـێـغهمبهرى سهردارم فیداى تۆ بێ ئهم دڵ و گیانه
ئهتۆى لوقـمانى گـشت دهردێ بیلبیلهى روونى ئهم چاوانه
كه ژیانت دهخـوێـنینهوه ههمووى تاڵى و سوێرى و گریانه
له رهوشتى جوان و بهرزت دۆست و دوژمن مات و حهیرانه

ئهى سـهركردهى غـهزاى بـهدر و ئیمامى مزگهوتى مهدینه
ئهى گڵۆپى شارى مهككه و بهندهى راستى سهر ئهم زهمینه
له ههموو كهس برسـیتر بووى دوو بهردت بهستابوو له سینه
شـوێنى شـهونوێـژى شـهوانـت شـاهـێـدى گـریان و شـینه

ئـهى تـیرى چاوى شهیتان و ئهبو جههل و عوتبه و ئومهییه
ئهى مـامۆسـتاى ئـهبوبهكر و بیلال و سوههیب و سومهییه
دهزانین نهخوێندهوار بـووى بۆمـان بووى به گـڵۆپى پورهییا
ههزار جار درودت لهسهر ئهى مانگى روونى یـهك شـهوییه

قـوربان فـهرموودهكـانى تـۆ لـهناو دڵ و لهســهر چـاوانه
بهڵام هـهندێ كـهس نــازانن روویـان لـه گـونـاه و تاوانه
سـهلامـت لـێ بێ خـۆشـهویست ئاسوده بۆ لاى تۆ میوانه
تكـاكه بـۆم لـهلاى خـودا دهغـڵى كــارم ههـمووى زیوانه